Chleider us Bärn mit eme Bitz Bärner Mentalität

chillsmau isch z Chleider-Label us Bärn. Mir mache Chleider wo komfortabel zum trage si u es Stück Bärner Mentalität i sich trage. 

Mir finge, das mes ume öfters sött chille. I dere Wäut wo aus immer schneuer dräit, sött me ab und zue o eifach bewusst chli abe fahre und z Läbe gniesse.

Üs Bärner wird nache gseit, mir sige chli langsamer als angeri Mönsche. Das stimmt so eigentlech nid: mir hei eifach scho früech gmerkt, das mes ab und zue im Läbe o söu chli gmüetlecher nä, das me sech o d Zyt mues nä, mau abzschalte. I sörige Momänte chille mirs äbe mau.

Ds Wort chillsmau besteit us de zwöi Usdrück "chille", was soviu bedütet wie usruehe oder s locker nä, und usem Wort "mau", o bekannt als "einisch". Zämegsetzt bedütet dä Usdruck o e Läbensphilosophie.

Wär üsi Chleider treit, het genau das gschnaut: Me darf im Job, ir Schuel oder ir Usbildig ruhig o mau 120 Prozänt gä, ab und zue sött me aber o eifach chli abe fahre und säge: "chillsmau"

Mir wünsche dir e chilligi Zit uf üsere Websitä u hoffe, dass du in Zuekunft öfters d Möglechkeit fingsch z Läbe o chli z chille.

chillen auf der kleinen Schanze

Newsletter abonniere